Nshuti za Ni Nyampinga muraho neza? Ibiganiro Ni Nyampinga birakomeje.

Ku wa Gatatu saa kumi n’ebyiri na cumi n’itanu z’umugoroba tuzaganira na Jeanne wigisha mudasobwa mu mashuri yisumbuye. Azatubwira urugendo rwe mu kwiga mudasobwa. Muzamwumva atubwira uko yiyumvise bwa mbere abona mudasobwa, dore ko ngo bwa mbere ayibona yigaga mu mashuri yisumbuye mu mwaka wa Gatandatu. Azanatubwira uko yafashe umwanzuro wo kuyiga muri kaminuza, ubu akaba ari umwarimu wa yo muri segonderi. Ntuzacikwe.

Ku wa Gatandatu tuzumva igice cya kabiri cy’iyi nkuru ya Jeanne. Uwo munsi tuzumva Priscilla na Agnes batubwira uko bafashe umwanzuro wo kwiga mudasobwa muri kaminuza, nyuma yo kuyigishwa na Jeanne mu mashuri yisumbuye, akabibakundisha. Bavuga ko babonaga abishoboye kandi abikora abikunze bityo bikabatera imbaraga zo gukunda mudasobwa. Uwo munsi kandi muzumva Shangazi asubiza ikibazo cy’umukunzi wacu yamubajije. Ntimuzacikwe rero.

Muri ibi biganiro byombi kandi hazaba harimo Tyaza Ubwenge na Ni Nyampinga.